Parole d'autore

Si fosse n'auciello di Antonio de Curtis (Totò)

Poesia "Si fosse n'auciello" di Antonio de Curtis (Totò)

Tags: Napoletane
Si fosse n'auciello, ogne matina
vurria cantà 'ncoppa 'a fenesta toja:
"Bongiorno, ammore mio,bongiorno, ammore!".
E po' vurria zumpà 'ncoppa 'e capille 
e chiano chiano, comme a na carezza,
cu stu beccuccio accussi piccerillo,
mme te mangiasse 'e vase a pezzechillo... 
si fosse nu canario o nu cardillo.